احذر.. هؤلاء الأبراج لا يتحملون «كلمة زيادة» في الصيف ممنوع الاقتراب أو الحديث

مع ارتفاع درجات الحرارة،.. هناك  أشخاص لا تتحمل في درجة الحرارة من حولها،  الفلك بيقول إن في أبراج معينة بتتحول في الصيف لنسخة مختلفة تمامًا: أعصاب مشدودة، مزاج متقلب، ردود فعل نارية، وطاقة بتنفجر لأبسط الأسباب.

فالو بتتعامل مع أصحاب الأبراج دي، ممنوع الاقتراب أو الكلام إلا للضرورة القصوى

1. برج الحمل (21 مارس – 19 أبريل)

الكلمة المفتاحية: سريع الاشتعال

مولود برج الحمل في الصيف بيكون أشبه ببركان نشط الحرارة بتأثر على طاقته النارية فبيبقى سريع الغضب، قليل الصبر، وممكن ينفعل لأسباب تافهة جدًا. لو مش عايز مشاكل، سيبه في حاله.

2. برج الأسد (23 يوليو – 22 أغسطس)

الكلمة المفتاحية: أنا وبس

الأسد بيشوف الصيف موسم التألق.. بس في المقابل، بيكون حساس جدًا لأي نقد أو تجاهل، لو ما شفتش فيه النجم الساطع اللي شايف نفسه بيه، ممكن يتحول لموجة درامية من الغضب والخصام. عايز تتجنبه؟ خلي دايمًا المديح في جيبك.

3. برج العقرب (23 أكتوبر – 21 نوفمبر)

الكلمة المفتاحية: الغموض القاتل

العقرب في الصيف بيبقى كتوم أكتر، غامض أكتر، وبيفكر كتير في كل كلمة بتنقال له. لو زعل، مش هيقول.. لكنه هيحتفظ ويفرغ غضبه.

4. برج الثور (10 مايو – 20 يونيو)

الكلمة المفتاحية: متقلب المزاج

ثور الصيف = 10 مزاجات في اليوم ممكن تلاقيه مبسوط وبعدين يزعق، يضحك وبعدين يطنشك، دون سبب واضح، التعليق الغلط في التوقيت الغلط كفيل يخليك محظور ومرفوض.

5. برج العذراء (23 أغسطس – 22 سبتمبر)

الكلمة المفتاحية: النقد القاتل

برج العذراء بيبقى دقيق زيادة عن اللزوم في الصيف، وأي تصرف مش على مزاجه بيضايقه. هتلاقيه بينتقد كل حاجة، وبأسلوب حاد جدًا، لو مش مستعد تتعدل، خليك بعيد.

6. برج السرطان (21 يونيو – 22 يوليو)

الكلمة المفتاحية: عاطفة مشتعلة

السرطان في الصيف بيكون حساس جدًا، وكل حاجة بتأثر فيه، كلمة تهزر فيها ممكن تزعل، ونبرة صوت عالية تبكيه. الصيف بيخليه في قوقعة.. ومتقفل على نفسه.

نصائح للتعامل مع الأبراج "الممنوعة" صيفًا:

• اختار توقيت الكلام بعناية: مزاجهم ممكن يتقلب في ثانية.
• بلاش سخرية أو نقد مباشر: الحساسية في أعلى مستوياتها.
• سيب لهم مساحة: خصوصًا لو بدأوا ينسحبوا أو يبعدوا.
• ادعم بلطف: الأبراج دي بتحتاج دعم هادي دون ضغط.

الصيف مش بس موسم شموس ومصايف.. ده موسم حساس عند ناس كتير، والفلك بيأكد إن مزاج بعض الأبراج بيتغير تمامًا مع الحر، فالو عندك صاحب أو حبيب أو زميل من الأبراج دي، خليك حكيم، واقرأ الحالة الجوية النفسية قبل ما تتكلم.